Quen somos

Somos unha comunidade vibrante onde as ideas medran ata convertise nunha realidade. Dedicámonos a transformar o emprendemento feminino nunha forza para o cambio social e económico, especialmente en zonas rurais (aínda que non soamente!) de Andalucía, Galicia e Cataluña.

Somos o punto de encontro perfecto para as mulleres emprendedoras que queiran compartir experiencias, construír redes de apoio e desenvolver competencias esenciais. Aquí, cada emprendedora atopará o apoio necesario para transformar as súas ideas en proxectos sostibles e viables.

POR QUE OLYMPE?SOBRE O PROXECTO

Érase unha vez catro cooperativas que…

Por algún motivo no se a completado la carga del separador, pincha el botón recargar para intentarlo de nuevo.

Recargar

Decidiron colaborar xuntas para acompañar e apoiar ás mulleres emprendedoras dos seus correspondentes territorios. Tras moitos debates e choivas de ideas, xurdiu Hub Olympe Emprende. Esta alianza permite crear un espazo de intercambio de coñecementos e metodoloxías entre diferentes territorios e así tecer unha rede a nivel estatal.

Tandem Social SCCL

CATALUÑA

Abeluria S.Coop. Galega

GALICIA

Asociación Creacciona Innovación y Empendimiento Social

ANDALUCÍA

Genera + S.Coop.And

ANDALUCÍA

Como facemos iso?

Contamos cunha Incubadora e Aceleradora que ofrecen acompañamento personalizado, deseñadas para impulsar a creación e o crecemento de cooperativas.

Ademais, a nosa Academia permite ás mulleres participantes aprender de forma asincrónica, adaptando o ritmo ás súas necesidades e fortalecendo as súas habilidades para triunfar no mundo do emprendemento social.

Pero, é a primeira vez que o facedes?

Non! O Hub Olympe Emprende xorde das leccións aprendidas no programa orixinal Olympe Emprende, apoiado pola convocatoria POISES 2020-2023 que estaba especialmente deseñado para combater o despoboamento e o desemprego no ámbito rural, enfocándose en superar as barreiras que enfrontan as mulleres ao emprender.

Únete ao Hub Olympe Emprende!

Un movemento que está a redefinir o futuro da economía social e o emprendemento.

CONTACTA CONNOSCO!

Por que se chama Olympe?

Este proxecto leva o nome de Marie Gouze, coñecida como Olympe de Gouges, unha pioneira que entre 1748 e 1793 desafiou as normas do seu tempo e loitou pola igualdade e xustiza. Autora da revolucionaria "Declaración dos Dereitos da Muller e a Cidadá" en 1791, Olympe converteuse nun símbolo de valentía, innovación, e compromiso coa xustiza social.

Os valores que nos inspiran

Por algún motivo no se a completado la carga del separador, pincha el botón recargar para intentarlo de nuevo.

Recargar

valentía

Animámosvos a perseguir os vosos soños con audacia, superando calquera obstáculo que apareza no camiño.

innovación e creatividade

Fomentamos o pensamento innovador para abrir novos camiños ao emprendemento

resiliencia e determinación

Esforzámonos por ser un exemplo de persistencia, queremos axudarvos a avanzar a pesar dos desafíos.

compromiso
coa xustiza social

Buscamos inspirarvos a contribuír ao benestar das vosas comunidades e á construción dunha sociedade máis equitativa.

Este proxecto finánciase co apoio do FSE+ e baixo o paraugas do Programa de Emprego, Formación, Educación e Economía Social (EFESO), unha proposta da Confederación Española de Economía Social (CEPES)